Сумын Засаг дарга Ё.Батзориг Аймгийн ИТХ-ын дарга Д.Пүрэвдорж, Аймгийн Засаг дарга Л.Төмөрбаатар болон холбогдох хэлтэс, агентлагийн дарга нартай уулзаж, орон нутгийн цаг үеийн ажлын талаар ярилцан дараах асуудлуудыг шийдвэрлүүлэхээр боллоо. Үүнд:
1.Сумын НАҮТөвд 2,5мгвит-н хүчин чадал бүхий шинэ тогооны асуудлыг шийдвэрлэж, ирэх долоо хоногт ашиглалтад оруулахаар болов.
2.Сумын Соёлын төвийн үзэгчдийн сандал, лед дэлгэцийн асуудлыг Аймгийн Засаг дарга Л.Төмөрбаатарт уламжлан шийдвэрлүүлэхээр болов.
3.Сумын Соёлын төвийг фургон авто машинтай болгох асуудлыг шийдвэрлэв.
4.Сумын Цагдаагийн тасгийн техник хэрэгслийг нэмэгдүүлэх зорилгоор Приус 30 маркийн авто машиныг авахаар болов.
5.Архидан согтуурахтай тэмцэх зорилгоор АА-ын нийгэмлэгтэй хамтарч ажиллахаар болов.
6."Хүүхэд гэр бүл хөгжил хамгааллын газар"-аас сумын "Хамтарсан баг"-т Гэр бүл хүүхэд хамгааллын чиглэлээр нэмэлт санхүүжилтийг авахаар болов.
